 |
الأنسولين المتبقي
لما بنحقن انسولين خارجي وقت الوجبه او ارتفاع السكر..مده عمله في الجسم بتختلف من شخص للتاني حي لو نفس نوع الانسولين..وبتختلف طبعا بإختلاف انواع الانسولين .
🔹️️الانسولين ليه اوقات في عمله مختلفه :
*️⃣Onset
المده اللي مابين الحقن وان يبدأ الجسم يشعر بجرعه الانسولين المحقونه..ودي المده اللي بنحتاج ننتظرها بين الحقنه وبدايه الاكل
*️⃣ peak
قمة العمل /وقت الذروه
دي الفتره اللي بتقابل اقصي قوه لعمل الانسولين واعلي تركيز ليه في الدم
*️⃣IOB= Insulin On Board
الانسولين المتبقي من الجرعه ولسه شغال وفعال عن تحليل الساعتين
🔹️المقال هنا معني بالتعامل مع الانسولين المتبقي من الجرعه وطرق حسابه
يجب عليك معرفه التالي :
♦ مده بقاء الانسولين في جسمك
♦جرعتك
♦معامل الكارب
♦معامل التصحيح
___________________________________________
🔷️المعادله:
عدد وحدات الانسولين المتبقيه تساوي
1- نقسم الجرعه الكليه علي عدد ساعات بقائه في الجسم
2- نضرب الناتج في عدد الساعات المتبقيه
___________________________________________
🔷️حالات نستخدم فيها الأنسولين المتبقي لتعديل الجرعه او التعويض بالأكل :
▬ 1 ▬
كيف استخدمه لو التحليل عند ساعتين من الحقنه كان في المدي المطلوب
◄يتم اعطاء وجبه خفيفه تعادل مقدار الانسولين المتبقي مالم نكن نعاني من بطء الهضم او الوجبه بطيئه الهضم
◄◄في حاله الرغبه في اكل وجبه جديده :
♦لو جرعه الانسولين المتبقي تساوي جرعه الوجبه الجديده = لا نعطي جرعه
♦لو جرعه الانسولين المتبقي أكبر من جرعه الوجبه الجديده = لا نعطي جرعه بل نضيف كارب زياده لتعويض فرق الوحدات
♦ لو جرعه الانسولين المتبقي أقل من جرعه الوجبه الجديده = نعطي جرعه ..الجرعه الجديده تساوي الفرق بينهم فقط
▬ 2 ▬
كيف استخدمه لو التحليل عند ساعتين من الحقنه كان أعلي من المدي المطلوب
◄نقارن بين جرعه التصحيح والانسولين المتبقي :
◙ لو جرعه الانسولين المتبقي تساوي جرعه التصحيح = لايؤخذ تصحيح
◙لو جرعه الانسولين المتبقي أقل من جرعه التصحيح =هندي جرعه تصحيح بعد خصم الانسولين المتبقي منها
◙ لو جرعه الانسولين المتبقي أكبر من جرعه التصحيح = لا يؤخذ تصحيح ونتابع كل نصف ساعه لان هينزل السكر بسرعه
◄◄في حاله الرغبه في اكل وجبه جديده :
هنا بنقارن بين 3 جرعات ..جرعه تصحيح وجرعه وجبه جديده وانسولين متبقي
◙ لو جرعه الانسولين المتبقي تساوي جرعه التصحيح = نأخد جرعه الأكل الجديد كامله
◙ لو جرعه الانسولين المتبقي أكبر من جرعه التصحيح =نقارن الفرق بينهم بجرعه الأكل الجديد
◙لو جرعه الانسولين المتبقي أقل من جرعه التصحيح =هندي جرعه تصحيح بعد خصم الانسولين المتبقي منها + جرعه الأكل الجديد
________________________________________
🔷️دليل سريع لتحديد كميه الانسولين المتبقي حسب مده بقاء النوع في الجسم
# يشترط صحه حسابات الجرعه
◄ لو مده بقاء الانسولين في الجسم ساعتين :
بعد ساعه = يتبقي نصف الجرعه
بعد ساعه ونصف = متبقي ربع الجرعه
بعد ساعتين = الجرعه انتهت
◄ لو مده بقاء الانسولين في الجسم 3 ساعات :
بعد ساعه = يتبقي ثلثين الجرعه
بعد ساعه ونصف = متبقي نصف الجرعه
بعد ساعتين = متبقي ثلث الجرعه
بعد 3 ساعات = انتهت الجرعه
◄ لو مده بقاء الانسولين في الجسم 4 ساعات :
بعد ساعه = يتبقي ثلاث أرباع الجرعه
بعد ساعتين = متبقي نصف الجرعه
بعد 3 ساعات = متبقي ربع الجرعه
بعد 4 ساعات = انتهت الجرعه
◄ لو مده بقاء الانسولين في الجسم 5 ساعات :
بعد ساعه = يتبقي أربع أخماس الجرعه
بعد ساعتين =متبقي ثلاث أخماس الجرعه
بعد 3 ساعات = متبقي خمسين الجرعه
بعد 4 ساعات = متبقي خمس الجرعه
بعد 5 ساعات = إنتهاء الجرعه
🔷️متوسط بقاء الانسولين حسب النوع :
️هيومالوج متوسط عمله ٢-٣ ساعات
ابيدرا /نوفورابيد متوسط عمله ٣-٤ ساعات
اكترابيد/هيومالين ر متوسط عمله ٦-٨ ساعات
فياسب مده عمله ٢-٣ ساعات
المتوسط يختلف من شخص لآخر..قد يختلف مده بقاء الإنسولين علي مدار اليوم لانها بتعتمد علي صحه عمل القاعدي
🔹️نعرف مده البقاء ازاي ؟
اولا نكون وصلنا لمعاملات زبطت تحليل الساعتين
ثانيا لو تحليل الساعتين عالي مانصححش وماناكلش ونتابع كل ساعه لحد.مرور ٤ ساعات لو انسولين سريع ..او ٦ ساعات لو انسولين عادي
لو تحليل الساعتين منخفض ..نرفع الهبوط ونزود كارب تحسبا ان جرعتنا لسه مستمره..هنا الوجبه دي لن تستخدم كتقييم لمده بقاء الانسولين
لو سكرنا مزبوط ..عندك اختيارين..الاول والصح ان ما ناكلش ونتابع السكر كل ساعه
لكن ده اختيار خطر شويه في الاطفال او اللي معامل التصحيح كبير..لذلك بناخد الحل التاني ان نتوقع الانسولين لسه شغال ونعوض الانسولين المتبقي ونتابع كل ساعه
🔷️علي أي اساس ابتدي اجرب ؟
️ لما اعوض وانا لسه بجرب ..هعوض علي اساس ايه ؟
هنعتبر مجازا اي انسولين سريع ٣ ساعات (فياسب/هيومالوج/ابيدرا/نوفو )
اي انسولين عادي ٦ ساعات (اكترابيد/هيومالين ر )
https://www.edart-alsukkary.com/2018/04/iob.html
نشكركم علي حسن متابعتانا - لا تنسي متابعة صفحات التواصل الأجتماعي الخاصة بالموقع، لتصلكم أخر الأخبار السكرى - المقالات - النصائح أولاً بأول من موقع إدارة السكرى - Blue Circle
نسب النشويات
تطبيق إدارة السكري
