✿ ❤ ✿ رد متجمع لكل تساؤل الأهل مع التشخيص الحديث للطفل ✿ ❤ ✿
________________________________________________
✿ ❤ ✿ السكري وعلاقته بما نأكله :
♦ اي طعام حين نأكله و يتم هضمه يتحول إلي جلوكوز ويخرج من المعده لمجري الدم ليسري في الجسم إلي كل اعضاء الجسم..
الجلوكوز هو وقود و غذاء الخلية الرئيسي في جسمنا ..المكون الرئيسي في الأكل الذي يمدنا بالجلوكوز هو الكربوهيدرات أو إختصار نكتبها " كارب "
♦ الخليه ليس لديها القدره علي إدخال الجلوكوز لداخلها بمفردها.. الخليه تحتاج الانسولين لذلك بالإضافه إلي وجود مستقبلات "أبواب" علي جدار كل خليه .. الانسولين يفتح هذه البوابات ويدخل الجلوكوز ..
الاطفال غالبا هم سكر نوع اول =
يكون عنده إنعدام إنتاج هرمون الانسولين،لذلك يحتاج يعوضه عن طريق حقن إنسولين خارجي وفي بعض الأحيان يكون مصاحب وجود مقاومه لعمل الانسولين
◄البنكرياس الطبيعي يفرز الانسولين في صور مختلفه:
-1انسولين يفرز علي مدار اليوم بكميات صغيره جدا لجعل مستوي السكر في الدم في المستوي الطبيعي بدون أكل..يسمي انسولين قاعدي
طول اليوم وبدون أكل سواء بين الوجبات /أثناء النوم / أوقات الصيام يحتاج الجسم للجلوكوز كمصدر للطاقه والغذاء ..يقوم الكبد بتكسير جزء من مخزون السكر بداخله والذي يكون في صوره اوليه إلي جلوكوز يخرج لمجري الدم لتغطيه احتياج الجسم الأساسي للطاقه .. الانسولين القاعدي وظيفته تغطيه هذه الكميات المفرزه من الجلوكوز علي مدار اليوم
-2 انسولين يفرز مع الوجبات ، حسب سرعه الهضم وكميه الكربوهيدرات في الأكل..يسمي انسولين سريع ..
-3 انسولين يفرز حين إرتفاع سكر الدم لأي سبب مرضي أو توتر (يكون انسولين سريع) حين يرتفع السكر عن 120 مغ / دل.
◄ حساب الأكل:
الاكل بيبدأ هضمه بنسبه 10% في مرحله المضغ ...يعني لو الكربوهيدرات من النوع سريع الهضم يكون بعد مرور 15-30 د من أكلها معدلات سكرنا مرتفعه بمقياس مساوي لكميه الكارب في هذه الأكله
المعدلات اللتي الجسم يكون فيها في قمه كفأته هي معدلات سكر في الدم 70-110 مغ/دل (معدلات أي شخص طبيعي)
من هنا تأتي اهميه ترجمه كل وجبه إلي عناصرها الأساسيه من كربوهيدرات/ دهون /بروتين
____________________________________________________
✿ ❤ ✿ اصناف الطعام في حداول محسوبه ليها لكل صنف متوضح كم كميه الكاربوهيدرات والبروتين والدهون فيها
الجداول دي موجوده هنا علي الجروب
يهمنا اكلنا نحسب فيه كم جرام.كاربوهيدرات لان ده اللي بندي عليه جرعه الانسولين قبل الاكل
يبقي قبل الوجبه بربع ساعه مثلا هعمل تحليلي واحسب وجبتي اللي هاكلها هيكون فيها كم جرام كاربوهيدرات
علشان ادي جرعه اكل مناسبه للجرعه دي يبقي محتاجه اعرف وحده الانسولين السريع هتحرق او.تغطي كام جرام كاربوهيدرات بصفه عامه ..ده اسمه معامل الكاربوهيدرات
يبقي معامل الكاربوهيدرات = وحده الانسولين السريع تغطي كم جرام كاربوهيدرات
ساعتها جرعه الاكل هتكون
ع وحدات الانسولين اللازمه لتغطيه الوجبه =
عدد جرامات الكاربوهيدرات في الوجبه مقسومه علي معامل الكاربوهيدرات بتاعك
طيب لو سكرنا عالي قبل الاكل او بون اكل هنعمل ايه
هنكون محتاجين ندي عدد من وحدات الانسولين هدفها الوحيد و وظيفتها هي انزال السكر العالي ده مره اخري الي 120 اللي هو هدفنا
اتفقنا جسمنا ماينفعش سكر يعلي عن 120
يبقي مستوي سكر اعلي من ده وضع خطأ وبناخد جرعه انسولين هدفها الوحيد هو انزال السكر العالي ده
من هنا جه الاسم ..جرعه تصحيحية.
علشان.ندي الجرعه دي محتاجين.نعرف التالي
تحليل السكر العالي
وحده الانسولين بتنزل سكرنا كام (ده اسمه معامل التصحيح ..رقم بنسميه كده )
علشان ادي الجرعه دي ..اللي اسمها جرعه تصحيحيه ..يبقي محتاجه اكون عارفه تحليل السكر طبعا وعارفه وحده الانسولين السريع بتنزل سكري كم ..او مايعرف ب معامل التصحيح
معامل التصحيح =
مقدار انزال السكر عند اخد وحده انسولين سريع واحده
عدد وحدات جرعه التصحيح =
(تحليل السكر الحالي العالي - الهدف اللي هو 120) ثم نقسم علي معامل التصحيح
لو قبل الاكل سكرنا 100-120=
جرعتنا هتكون جرعه الاكل فقط ونحقن قبل الاكل ونستني مدي مناسبه زي ما هنوضح في رابط اللنسولين السريع اللي هحطه ان شاء الله
لو قبل الاكل سكرنا اعلي من 120=
الجرعه هتكون جرعه الاكل + جرعه التصحيح وننتظر وقت اطول قبل بدء الاكل
لو قبل الاكل سكرنا اقل من 100=
نخصم من جرعه الاكل او نزود الكاربوهيدرات
لو سكرنا اعلي من 120 ومش هناكل =
ناخد جرعه تصحيحه فقط
فوق 250 لازم نعمل تحليل اسيتون في البول لان لو في الجرعه التصحيحيه بتزيد
____________________________________________________
✿ ❤ ✿ توقيت الحقن قبل ولا بعد الاكل والاطفال
بالنسبه للاطفال وخدوها كلمه من ام لطفل سكري اتشخص وعمره شهور وهو رضيع.. قبل ما اكون قاريه ودارسه
ان. كل جرعه تبقي بعد الوجبه ويوميا ده بيعرضه لارتفاع السكر يوميا ولمده لا تقل عن ساعه الي ساعه ونصف بعد كل مره اكل
ده لوحده كفيل ببدء المضاعفات للاسف ولتذبذب السكر لان مره اكل بسرعه ومره قليل ومره الاكل كان هضمه سريع وبيرفع السكر بسرعه ومره ابطأ
الطفل السكري بيكون جسمه حساس جدا الانسولين وخصوصا لو متشخص حديثا وحده الانسولين ممكن تخفض سكره اعلي من 200..ونفس الوحده ممكن تغطي كميه اكل نقطه او نقطتين
ده معناه لو ابني سكره 100..رقم. مثالي.. وهياكل نقطه ..النقطه دي هترفع سكره توصله الي 300 واكتر لو مخدش جرعتها صح قبل الوجبه..
ايه اسوا الظروف.. الطفل مايكملش وجبه ... كمان عشر دقايق اعزمي بباقي الوجبه او مايساويها من صنف اخر.. ولو اتكرر انه لا
اكله.. يبقي انتي، بتقدري وجبته غلط وقلليها بعد كده
او عايز اكل اكتر.. احسبيه ولما يخلص ياخد جرعته الزياده.. ولو اتكرر انه بيطلب ازيد يبقي انتي بتقدري وجبته غلط وزوديها
ارتفاع الساعه بعد الوجبه ده لو متكرر كل مره ويوميا.. ده لوحده بيرفع التراكمي 1-2 %
اما لو هبطانين قبل الاكل ..السؤال المعتاد هل ادي جرعه واكل علي طول ولا ادي جرعه بعد الاكل
ولا اي منهم
تعالجي الهبوط وتتاكدي من. رفع السكر بعد عشر دقايق ثم تعطي الوجبه بجرعه قبلها وروتينك. المعتاد
انما ان. نعطي الجرعه بعد الوجبه وقت الهبوط فيها عاملين. خطر شديدين
اولا لا نعلم شده الهبوط خصوصا لو كان بعد مجهود او رياضه
ثانيا لو مش بنخصم من جرعه الوجبه ةنديها كامله خطر جدا.. وكمان مانضمنش ان الوجبه هترفع سكرنا بسرعه لان اي عامل دهون او بروتين يدخل هيبطء الهضم
____________________________________________________
✿ ❤ ✿ معظم الناس بتسأل إيه هو الرقم الأمان ألي أنام أو انيم طفلي عليه؟
الإجابه دي متنفعش تكون رقم واحد للكل ،لأن كل واحد انسولين وجرعته ونمط حياته مختلف عن الأخر
هتكون محتاج مجموعه قراءات تجمعها علشان تعرف لما تراقبها تعرف بيكون نمط السكر إيه وإنت نايم ..ساعتها تقدر تخمن رقم أو مدي أمان تنام عليه
♦ القرائه الأولي :
وقت النوم لو في خلال عمل انسولين الأكل سواء عادي أو سريع = لازم يكون عندك قرائه بعد إنتهاء عمل هذا الانسولين
♦ القرائه الثانيه :
لو الانسولين ممتد /طويل المفعول له قمه أو ذروه عمل وقت النوم = لازم يكون في تحليل في وسطها + تحليل بعد انتهائها
♦ القرائه الثالثه :
الفجر
♦ القرائه الرابعه :
الاستيقاظ
◄ نقول أن جرعه القاعدي صحيحه:
لو كان قرائه قبل النوم لا نزيد عنه أكثر من 15 أو نقل أقل من 30 وقت الاستيقاظ ، بشرط قرائه النوم بعد إنتهاء مفعول انسولين الأكل
في مراجع أخري الفرق لا يزيد عن 30 زياده أو نقصان
◄ لو كنت من مستخدمين لانتوس /ليفيمير وجرعتك مزبوطه وقرائه قبل النوم كانت بعد إنتهاء مفعول انسولين الأكل = لو جرعه القاعدي سليمه = قرائه قبل النوم 110-120 ستكون قرائه امنة
◄ امتي نقول عكس ذلك ،أي أنت من تحدد القرائه الأمنه :
لو وقت النوم تكون تحت تأثير انسولين الأكل
لو وقت النوم أو و أنت نائم متزامن مع قمه انسولين قاعدي لم تختبرها بعد
لو حدث مجهود أو تغير في نمط الأكل
لو حدث تغير في مواعيد الجرعات
لو حدث تغير في أنواع /جرعات الانسولين
___________________________________________________
✿ ❤ ✿ الانسولين بيعمل ايه ؟
لما بنحقن الانسولين ده حاجه بتدخل الدم تشتغل عتّال..تفضل تشيل الجلوكوز من الدم وتدخله جوه الخلايا
يفضل كده.طول ماهو موجود في الدم
طيب لو انا سكري 100-120
هل في منطق ان اخد الانسولين السريع ؟؟
طبعا لا ..لان ببساطه هيحصل لي هبوط حاد وسريع
طيب انا لو سكري اعلي من 120 ..
هل طبيعي افضل من غير انسولين سريع
طبعا لا..لان ببساطه تاني السكر العالي يعني جلوكوز سارح في الدم كده اعلي مما الدم متعود ويقدر يستحمل ..ونبدا ننضر
طيب وليه بخده مع الاكل ؟
طبيعي لما تاكل هيطلع ناتج الهضم.ده.جلوكوز في الدم ..يبقي مين هيدخل الكميه دي كلها اللي سارحه في الدم كده
يبقي لازم ناخد انسولين بالمنطق كده
يبقي لما ناخد انسولين اد كميه الاكل = جرعه الاكل
لما ناخد انسولين علشان ننزل سكر عالي = جرعه التصحيح
لو صادفت سكرك.عالي وقت وجبتك ولازم تاكل
يبقي الجرعه = جرعه الاكل + جرعه التصحيح
الكلام.ده ينطبق علي انواع الانسولين السريع التاليه
نوفورابيد..ابيدرا..هيومالوج
الانسولين عادي المفعول قبل الاكل وانواعه
اكترابيد..هيومالين ر..انسيومان رابيد
____________________________________________________
✿ ❤ ✿ ماذا تفعل عندما نلاحظ زياده /تكرار في عدد مرات التصحيح عن النسب المعتاده ؟
عندما نلاحظ زياده /تكرار في عدد مرات التصحيح عن النسب المعتاده..نسجل لمده أسبوع بيانات كامله كالأتي
مواعيد/جرعات القاعدي..واذا كان من النوع اللي فيه قمه مفعول ..لازم تحليل في قمه المفعول
تحليل قبل/بعد الوجبات الرئيسيه
حساب الكارب/ميعاد الجرعه مع الوجبات الرئيسيه..
جرعات التصحيح ..وبعدها بساعتين..
مواعيد أكل الوجبات الخفيفه..وكم كارب
قدامنا حلين ..إن احنا نترجم البيانات دي ونستنتج نسب انسولين :كاربس ..و- معامل تصحيح جديد..
أو
نجمع كل الجرعات التصحيحيه (بشرط هام جدا ..أنها تكون لا تسبب هبوط بعدها..ولا يكون العلو أصلا جاء بعد علاج هبوط) علي مدار الأسبوع..ونقسم علي 7 ..الناتج ده إسمه "الجرعه المتوسطه اليوميه للتصحيح".. وهو ده إلي احنا محتاجين نزوده علي الجرعه الكليه اليوميه ونجرب تاني كمان أسبوع
نزود ازاي..ناخد النص بس ونزوده ..إما علي السريع (لو التصحيحي بيكون بعد الوجبات الرئسيه)
أو علي القاعدي (لو كان العلو مابين الوجبات /بدون أكل
أي مره يستحسن التغير يكون في مدي 5-10 % من الجرعه القديمة..ونجرب تاني بنفس الطريقه
ليه الشرط ألمهم اللي فوق
لأن لو كان احنا لما بيكون فيه هبوط و ندي كاربس علشان نرفع ..وبعدين نفاجيء بعلو كبير يحتاج تصحيح ..ده معناه إن أصلا الجرعه محتاجه تقل مش تزيد/أو محتاجين نتعامل مع الهبوط بكميه أقل من الكاربس ...
التصحيح الكتير من غير ظروف مرضيه معناه أن في جرعه عايزه تتزبط..نفضل مراقبين أسبوع نكتب بندي كم مع الوجبه وندي كم تصحيح وامتي ..بعد الأسبوع ده في مدرستين ..ناس تقول نقسم التصحيح علي 2..نص الجرعة يتضاف علي المائي ويتوزع علي 3 جرعات..ونص يتضاف علي القاعدي ويتقسم لو الحقنه كل 12 ساعه..
في مدرسه بتقول نزود نوع واحد ونجرب كمان أسبوع ..لو فضلنا محتاجين نعمل الجزء التاني..
بس كل ده بعد مايكون عندنا مهارات عد الكاربس صحيحه ..لأن دي عامل لازم يكون ثابت..وكمان نكون بنبعد عن أماكن فيها شك في حقن الانسولين..مش فيه كلكعه..تكتلات..
أما المفروض ندي الانسولين ازاي..احنا المفروض نغطي الأكل ..أكلنا قليل نشوف كم ..كتير نشوف كم...
____________________________________________________
✿ ❤ ✿ تقدير حساب الاكل وقت الخروجات ؟
الاكل بره ومشاكله معانا ممكن تتحل بشكل كبير لو خططنا بس قبلها ودرنا كويس علي اللي محتمل ناكله بره وكميته ..طبعا ده كلام يستفيد منه الناس اللي بالفعل عارفه تحسب الاكل وعارفه المعاملات
☆ الحساب بره في الاصل تقديري الا لو في مكان ونقدر نكون عارفين الوزن مزبوط
☆في البومات هيتم وضعها هي لحساب النقط وحساب اكل بالصور وصفحه الوجبات السريعه في المطاعم
◄ ☆اكل مش موجود في ده كله او غيرنا الخطط مره واحده يبقي بالتقدير ونقدر نطلب طبق فاضي ونعد فيه الحاجه بالمعلقه او بالحبه
☆◄ مش متاكدين نهائي وقدرنا جرعه وخدناها لو هبطنا عن 100 خلال اول ساعتين يبقي نتوقع ان جرعتنا كبيره ونتابعها وقت اطول بالتحليل
★★◄ ما ناكلش من غير جرعه ولا تحليل = ابدا = نهائي = ممنوع وماينفعش علشان نبقي واضحين
★★◄ اخدنا جرعه وجبه والطفل زود في وسط الاكل يبقي ناخد جرعه الفرق
اخدنا جرعه وجبه والطفل مكملش اكل كمان شويه نعرض عليه باقي الوجبه او اي بديل بنفس كميه الكارب
◄★☆★ طيب حللنا ونسينا ناخد جرعه وافتكرنا عند تحليل الساعتين = طبعا سكرنا عالي = نشوف كنا كام قبل الاكل وكام دلوقتي ناخد جرعه تصحيح علي الفرق ده
مثال كنا قبل الاكل 100 وعند الساعتين 300 بسبب نسيان الجرعه = ناخد تصحيح علي 200 فقط اللي هو 300-100
◄ طيب خدنا جرعه وتحليل الساعتين عالي يبقي التصحيح لازم نراعي الانسولين المتبقي
✿ ❤ ✿ ✿ ❤ ✿ ✿ ❤ ✿ ✿ ❤ ✿ ✿ ❤ ✿ ✿ ❤ ✿ ✿ ❤ ✿ ✿ ❤ ✿
احتفظوا بهم او اكتبوهم واقروهم علي مهلكم جدا واكتر من مره وبهدوء
نسب النشويات
تطبيق إدارة السكري
