 |
| الألياف |
الألياف / فايبر اللي هي عباره عن الجزء(من النبات ) الغير قبل للهضم أو التكسير في الجسم نوع من الكربوهيدرات علشان كده بتندرج في الحساب تحت خانه الكاربس في أي منتج .لكن الجسم مش بيتعامل معها زي الكارب علشان كده تأثيرها علي معدلات السكر في الدم مختلف .
الألياف مش بتعلي السكر لأنها لا تهضم ..و يمكن خصمه من الكارب الكليه لأكله
قواعد خصمه المتعارف عليه(ADA) :
أقل من 5 غرام في الأكله ..نحسب الجرعه علي الكارب الكليه عادي
أكتر من 5 غرام في الأكله ..تخصم من حساب الكارب ..في النقطه دي بعض مختصي التغذيه ومثقفين السكري قالو نخصم نص الكميه بس وليس كلها ..ألإختيار متروك حسب متابعه السكر بعد الأكل
الشخص البالغ المفروض ليه يوميا 20-35 غرام من الألياف يوميا ...كل ما زودنا مقدار الالياف يجب أن نزود مقدار شرب المياه
الألياف نوعين .. نوع غير قبل للذوبان و نوع قابل للذوبان
نوع قابل للذوبان:
بيجتذب المياه ويكون حاجه زي الجل بتأخر عمليه الهضم وتبطأ أن aلمعده تفضي علشان كده بيدينا إحساس بالشبع كمان بتأخر من سرعه إمتصاص السكر في الأكل بالتالي بتلعب دور في تحكم أحسن في معدلات السكر في الدم .كما أنها بتتحد مع الكوليسترول (LDL)و بتقلل من نسبته في الدم.
موجوده في الشوفان/العدس/تفاح/برتقال/بذر الكتان/فراوله/مكسرات/فول/بازلاء مجففه /الخيار/كرفس /جزر/التوت
نوع غير قبل للذوبان
لا تذوب في الماء ..مهمه لحركه الأمعاء و الأخراج ,بتمنع الإمساك و بتقلل من خطوره بعض إضطرابات المعده .
موجوده في الحبه الكامله /الخضار بصفه عامه /البذور/الكسكس/الشعير/رز بني/بروكلي/برغل /كوسه /بصل/ملفوف/طماطم/جزر/خيار/بسله خضراء/الخضروات الورقيه الغامقه /زبيب/عنب/
المصدر : https://www.edart-alsukkary.com/
نسب النشويات
تطبيق إدارة السكري
